Davao is Wet this afternoon... Find out why:

THE ANSWER? Kay nag-ulan man... Hehehe.. Pasensya na, corny jud ko ilabi na nga nagsakit na ning akuang ulo tungod sa kadaghang mga butang nga angay humanon. Dili pwedeng ipa-ugma and kinahanglan jud nga humanon karun.

Grabe, nabasa pa jud ko sa ulan... Niadto man gud ko sa SM para makigkita kang Dondon Dianon, anak ni Nong Madan. Naga-drive man gud na siya ug VAN nga ga-biyahe padulong MIDSAYAP ug dire sa DAVAO. Plano unta naku nga magpadala lang ug kwarta para kang mamang nga naa sa Pikit pero ang problema kung kay DONDON pa naku ipadala, ugma pa pud iyahang biyahe pauli sa Cotabato. Mao nga I decided nga ipadala na lang kwarta pinaagi sa MLhuillier nga maayo na lang kay naa pud siya outlet sa Pikit.

Anyway, paghuman naku sa MLhuillier, nibalik na ko dire sa opisina arun lagi humanon ning mga butang nga maoy makahatag kanaku ug grasya. Grasya jud ni kay bisan ug kapoi unya labad sa ulo, makakwarta man sab ko ani. Pero kinahanglan pa hinuon ning ipadala balik sa manila for approval from the client.

Basa pa kaayo ko bah. Wa pa jud koy dalang extra shirt. Antus lang jud ko ani ug magpaabot nga mauga ni.

It's really nice jud nga duna pud koy mga connections from our head office manila ilabi na sa mga account executives ngadtu arun maka-rekomenda sila naku for me to make their productions/materials for radio ads. Dagku ra ba ni ug hinatagan ning mga national clients kay dili muubos sa 10k.

Mao nga today, bisan ug nabasa ko ug nagpaabot nga muuga ning akuang sanina, murag nakalimtan na lang pud ang kaguol, kasakit sa ulo ug kakapoy tungod kay mabayaran na jud ko sa usa ka produkto nga akuang nabuhatan pud ug material for radio airing. Diba nice kaayo.

Mao nga in every kapoi sa akuang lawas, di na lang pud ko magreklamo kaayo kay im sure duna may grasya nga muabot in return.