Ang Mga Cellphones

Dili na jud ikalimud nga paspas jud ang pagkunhod sa mga presyo sa mga cellphones... Sama naku nga mahilig kaayo ug cellphones, basta dunay bag-u maibog jud ko... Ug kung duna koy kwarta, akua jud dayun kining palitun... Ingun ana ko kabuang pag-abot sa mga teke-teke... Di pud ko magpaulahi... Wa man gud ning ingun ani saunang panahon...

First naku nga cellphone ang Motorola nga mura ug safeguard... Hinumdom ko sauna, eswela pa ko sa UIC (University of the Immaculate Concepcion), proud na jud kaayo ko nga nakapait ug cellphone... Sauna, sosya na jud kong naa kay cellphone ug beeper (kanang pager gud).

Most embarrassing moment naku atu nga phone (katung motorola nga safeguard) kay samtang padulong ko sa school, sakay ko ug jip, grabe kapuno sa jip atu, mao nga usa ka lubot ra jud naku ang nakalingkod ug tarong, saba kaayo ang sounds sa sulod sa jip, way tingugay ang mga pasahero... Nikalit ug ring, kuha dayun ko sa akuang phone nga gisuksok naku sa bulsa sa likud sa akuang pantalon (aron tsoy!), unya dali dayun kong ga-hilo..hilo? Toinks! ulawa naku oi, katung ring wa man diay to gagikan sa akuang phone kundi tingug diay to sa radyo... Weeeee!! Ulawa oi!!! hehehe

Haay! naglagot ko, mao nga aku na lang gi-dispatsa tong motorola nga safeguard ug nipalit ko ug laing unit... Motorola gihapon ang akuang napalit pero this time, mejo nipis nipis na siya... Hala, lingaw kaayo ko atu kay libre man ang text unya kols lang man ang imung bayaran mao nga text dire text didto dayun ko... Magbuntag lage! pagka-ugma hubag ang mga mata... Tingala na lang si Maam Pantalla (akuang fave titser sa zoology) kay nganong pula kaayo ang akuang mata unya nangahubag... Hehehe, wa jud ko nagsulti nga gikabuangan naku ang akuang cellphone mao nga ninghubag ang akuang mga mata...

But as time goes by, grabe ang pagdaghan sa mga cellphones nga makita sa mga malls... That time, each unit costs much... Mao nga nagtigum jud ko... Pero lisud gihapon kay estudyante pa gud ko unya gasto pa kaayo sa UIC ug ang akuang course nga MedTech...

Pero salamat na lamang kay duna koy amiga nga intsik nga si Tessie Lao nga maoy akung financier... Siya ang nagapalit ug units unya iyang ginapautang sa amua... Apil sab ko ug utang... Una nakung gi-utang mao ang 3210,

sunod ang 3310...

Pero sama sa akuang giingun, paspas ang production sa mga cellphones... Adtu ko ug manila, work sa call center... Kay dagku lagi ug sweldo sa call center, dali ra ko nakapalit ug cellphone... Akuang gisuwayan ang Sony Ericsson K700i worth P20,000 that time... Almost 2 years naku tong ginagamit hangtud nga naguba ang joystick atu...

Napul-an ko sa SE K700i, mao nga nipalit ko ug lain..

Hangtud nga niabot na ko ug palit sa mga mejo high tech na nga mga phones... Ningpalit ko ug N70 ug kining usa ka Chinese Made nga TV phone...

Ug lately mao na ni ako napalit:

Hehehe, free man gud ni siya sa Plan 500 sa Smart.. Love it... It's Slim and Sexy.!! Grab one now!