MONEY MAY JUST COME AND GO...

October 2, 2007 (martes):

Pipila na lang kaadlaw ug pasko na sab. Siyempre, tingpakita na sab sa akuang mga kumare ug kumpare aron magparamdam. Human nga sunod sunod nga pagdawat naku ug imbitasyon aron mukugos sa mga anak sa mga tawong wa ko kaila, nagdesisyon na lamang kong di na ko magdawat ug mga batang ako kunuhay nga himuong kinugos.

Ingun ani man gud daw kung naa ka sa radyo nag-work . Kinahanglan kang muabi-abi sa mga tawong bisan di nimu kaila aron lang makuha nimu ang ilang kasing kasing. Honestly, lain jud siya paminawon apan this is how the competition is right now, ilabi na sa radyo. Di ka mailhan sa mga tawo kung ikaw mismo di nila maduulan. Ingun man gud nila, kami daw mga radio personalities, sama lang pud daw sa mga artista (ahek, bukhad man sab akong liver ani)...

Akong gisubay kaganiha sayo sa buntag kung nganong hangtud karon wa lang gihapon koy natigum sa pipila ka tuig nakung tinrabaho. Nag-start gud ko ug work sa radyo since age 17 human ako maka-graduate ug hi-skul sa Pikit National High School... Naka-trabaho sab ko ug call center nga diin dagku man didto ug sweldo apan, where and why o why kung nganong hangtud karon wa jud koy kwartang natigum.

Sauna, sa dihang naa ko sa manila nagwork, ako jud nang ginalista ang akuang net pay lakip na sab ang mga butang nga akong ginapamalit aron makita naku kung unsa ang angay nakung di buhaton ilabi na sa paggasto sa kwarta. Nakatabang-tabang sab baya to sa akua. Apan, naga rent ko ug kwarto sa Makati, sus sobra sab kamahal. Sayunan ka P11,000 monthly gud ang akong ginabayad sa renta sa apartment unya wa pay labot ang kuryente ug tubig. Mao nga pagkahuman sa sweldo, igo na lang jud sa allowance hangtud sa sunod sweldo na sab ang nahabilin akuang pitaka.

Ingun pa sa akuang mga kauban kanhi sa trabaho sa manila, kinahanglan kuno nga di-hutdon tanan ug withdraw ang imuhang sweldo aron di ka ma-tempt ug pamalit ug mga butang nga di importante. Korek! sa ilaha siguro kay maayo man sila wa nagbayad ug balay, way ginasuportahan nga pamilya, i mean ang ilang sweldo para lang jud sa ilaha... Sa akua, ang kwarta igu ra muagi sa akuang kamot... Mupondo lang ug usa or duha ka adlaw unya hanaw na..

Sa tinuod lang lisud jud ang magtipid ug i-budget ang kwarta noh ilabi na karong ngihit kaayo ang panahon... Pero siguro kung imo jung pugson ang imong kaugalingon nga magtipid ug mag-budget, mabuhat man jud siguro...

Well, share pud mo be sa pamaagi ninyo sa pagtipid.