AYYY, PAGKAMAUT....
Ambot kung nganong nahimong maut ang akong adlaw karon. Nindot man unta ang akong pagmata kaganihang kaadlawon. Hinuon late ko sa work. Hehehe.. Giatay oi nagsunod na jud ang akong leyt sa work.
Anyway, buntag hapon ang akong pag-online karong adlawa. Sugod ganiha after sa akong work, nag online ko, tsek sa akuang mga emails (malay mo, duna diay magpadala ug message from my client?)... Pero, hesus kong gagmay, waz japuy reply ang akong mga kliyente... Maoy giahak ani, wa koy sales....
Kay wa man koy mabuhat, nia, giablihan na lang naku ning akong blogspot aron magsuwat suwat basig unsa. Mikibot jud ang akong lubot sa dihang nakadawat ko ug comment sa akong usa ka gi-post. Atay pud oi, wa may magbilin ug comment sa akuang mga gipangsuwat dire. Anyway, wa man pud goi pulos ning akong mga topics.
Adlaw karon nga SAbado, September 8... Dunay daghang aktibidades ang amuang station. KArong hapon, adtu mi ug Bago Aplaya aron muhatag ug pasundayag and then si Charlo kauban si Tommy, tua gilagpot ni Lord sa Barangay Tungkalan sa Toril. I'm sure, maglaylay na sab ning akong lawas paghuman sa programa. Kapoy baya pud mag-host unya hatag ug lingaw sa mga awdyens... Mura pa jud ug gadag-um (bitaw, aku sa lili-un... asus, dag-um jud diay).. Giahak, basig mag-ulan ning amung show didto Bago Aplaya. Nahadluk lang ko kay basin ug way atup tong gym nga among adtuan. Na, mao nay gidangat ani, basa na sab ko ani. Pero, di bale na.. himsug bitaw akong lawas.. Batang Revicon yata ito!! hehehe..
Samok pa jud ning uban namung mga kliyente oi. Sige pausab ug venue labi na ning Globe nga mura ra ba ug sayon lang mangita ug venue.. By the way, i was talking about the regional finals sa Globe Kantabataan... Dunay lima ka banda ang maglaban-laban para makasulod sa Finals nga buhaton sa manila ug ang regional finals dire sa Davao.. Ang among station ang mag-organize ani isip tie-up sa Globe. Usa ka semana na lang jud ang preparasyon apan ang utok sa mga taga- Globe gausab usab. Nakabuhat na unta ko ug Plug aron sa maong event apan gipa-usab na sab kay duna na pud silay gidugang.. Shet ka talaga GLOBE..!!! Kara-karahun pa jud ko???!!!
Anyway, kita-kits na lang ta sa SPAZIO sa Gaisano Mall karong September 15 para sa Globe Kantabataan Regional Finals.
After sa Globe nga event, kisi-kisi na sab mi ani padulong sa NCCC mall aron sa Octoberfest..Ang among station lang gihapon ang ka-tie-up sa San Miguel Beer. Siyempre, amua ang pag-organize and lakip na sab ang hosting. WTF!!! Ang lawas doy, hinay-hinaya! *ngutana ko sa akuang kaugalingon.. ingun ani jud diay ni ang life sa radio?* hala, kapoy jud apan lingaw oi. Dunay uban nga kung maglakaw ko mututok kay siguro nakaila na.. Pila na man sab ka mga events ang akong gi-hostan.. Feeling artista pud ko noh? Ahek... Di bitaw oi, low profile ra jud intawon kaayo ko
Na hala sige oi.. Lakaw sa mi kay ning-abot na ang sakyanan. BAsi gapaabot na sab sa amua ang mga taga BAgo Aplaya..
Adios Amigos ug mga amigas...
posted by rockiedee @ 3:00 PM
2 Comments
2 Comments:
thank you dens, you gave me inspiration to write. i always wanted to write pero pag 2 pages na akong nasulat hala ereson nako na kay kani laging matulog ta sa klase... im not sure if my grammar are correct (sama karon oh) unya nakita nako ang blog account ni KC Concepcion, she writes in tagalog and english and taglish. i told myself HALA bitaw no ngano dili gud...nisamot nakita nako imong blog uy pwedi... ngano dili dili gud pwedi diba? bisaya man ko kabawo man sad ko gamay mutagalog, sayang lang itong aking loptop kung games lang akong buhaton dire ug friendster gamay, e-mail gamay pero maabot ug 3am, matingala na akong bana unsa akong ginabuhat ngano tag 3am nako matulog dahh bisan ako wa sad masayod ngano maabot ana ka dugay uy, or siguro akong body clock pinas gihapon. uy balik sa blog writing..bitaw i can write, i can sing, i can fly, i can make pinaypay (corny uy) bitaw mao raman nakababag sakong panghuna-huna na kung mag blog ka dapat english gyud kay kasagaran sakong mga amiga hala INGLIs gyud ilang blog maibog gud ko...pero im a filipino, pilipinong totoo duhh... akong bana sige insist american nadaw ko kay naa nadaw ko dire hala ka uy.. mura atong niaaging semana mga 2000 mexican ang ga oath kay AMERICAN CITIZEN... american citizen?? dili kabalo mo english??? dili lang kay sa dili kabalo mo english "NO HADLA AMERICANO" gyud.. maayo paman siguro ko kay kabalo ko gamay tan awa ha " hi how are you? im fine thank you and you?" pero tingala man ko kay ang response sakoa kay "what can i say you say it all" unsa daw??? usahay kailangan e slang gyud nimo para masabtan ka nila na perte baya lisora kay hilisan man ko uy... napuno na ug H ni akong baba... mura ug mango-dapat mangoh, banana-bah-nah-nah, dah uy... kalisod ba diay kung english speaking kano kay dapat slang ka unya dapat ang accent nimo american gyud, maibog lagi ko sa mga bata dire bisan mga 1 to 10 years old palang perte na ka hawod mo english bula-bula lang ang baba. maayo pa sila no?? dah uy sige dens, salamat kaayo sa imong blog ha kay mura sukad karon kung medyo katol akong utok ako ning pindot-pindoton akong keyboard. hala sige humaya ka at magpakarami!
mao jud jen.. ngano ba diay ug mag binisaya ta kung magsuwat dire??? naa ba diay magbuot.. maayo ning magbinisaya oi kay aron dili kaayo halata nga mali diay ang atung grammar... ahekhek..
unsay site ni KC? tudlui ko be aron masilip sab naku..
bitaw ay, matingala pud ko aning mga bata sa amerika, hanas kaayo mag-iningles... hehehe... atay pud ana nila oi.. maglisud gani ko mag-iningles... kapoi man gud ug sige ug huna huna kong unsaon pagsuwat sa blog in english..
pagbuhat pud ug mga blogs nimu diha jen aron mag link tang duha. .
sige ayo ayo na lang diha..
Post a Comment
Subscribe to Post Comments [Atom]
<< Home