Mga anak sa Beterano sa World War II

Daghan na kaayo kong nakit-an nga mga kababayan naku sa pikit nga karon hayahay na kaayo ug panginabuhi... Usahay maka-ingun ko sa akong kaugalingon nga kung gidawat lang siguro sa akong amahan ang hanyag kaniadto sa gobyerno sa amerikano, siguro naa na pud mi nagpuyo diha sa amerika.

Pero, i think mao jud ni ang gihatag sa tadhana sa amuang pamilya. Namatay na lang si Papang ug Lola Miyaning nga mao lang gihapon ang panginabuhi... Si papang anak sa usa ka sundalo sa amerika kaniadto (mao kining USAFFE)...

I remember i was very little pa lang jud nga nadunggan naku ning offer sa amerika nga paadtuon sa amerika ang mga anak sa mga sundalo nila kaniadto sa World War II. Ambot kung unsay nahitabo kay wala man gilihok nila papang ug ankol nardo.

Siguro kaniadto man gud, very dependent lang pud kaayo sila papang ug uban si ankol nardo kang Lola Miyaning sa gamay lang nga kwartang hatag sa gobyerno sa amerika... Kadtu nga kwarta nga hatag sa amerika daku na sab nga tabang sa amuang pamilya... Pila lang man sab ang sweldo ni mamang kaniadto isip titser sa elementarya...

Well, mao lang jud siguro ning gitugot sa amua sa ginoo... Come what may na lang mi ani...