PAGKASAKIT MAINLOVE...

Ingun nila di daw nimu dapat pasakitan ang dughan sa taong imung gihigugma. Nga kuno dapat imong ampingan aron mamahimong nindot ang dagan sa inyong relasyon. Mao nga kung hadlok ka ug K A R M A, hala tumana jud ni.

Mao sab ni akong gibuhat, kay tungod lagi nga nahadluk kong makasakit sa dughan sa akong hinigugma. Pero samtang padayon ko nga nag-amping nga di ko siya mapasakitan, wa na naku nabantayan nga ako na man diay mismo ang gipasakitan. Nga ang akong dughan na diay ang misidlit ang dugo.

Haskang sakita kining masobrahan ka ug ka-inlove. Mura ka ug mabuang. Tanan makaya nimung buhaton matuman lang ang iyang pagbuot. I even tried to sacrifice my work aron lang makauban siya. Just to show and prove sa iya nga siya lang jud ang nag-inusarang gipitik ning akong dughan.

Sa tinuod lang, panagsa lang sab ko mainlove. Ug kong ang akong dughan maigu na gani sa pana ni cupido, hala magkabuang na jud ko dayun ani. Bahala na gud ug wa nay sweldo nga madawat inig kinsenas ug katapusan basta lang kay magka-istoryahanay lang sa telepono. ANd most of the time, kapurigit lage ug pangutang aron lang dunay ikapalit ug load. Tsk tsk tsk, pagkalisud jud ning long distance relationship oi. Gusto nimu ihatag ang imong pagsalig apan unsaon? Knowing nga ang imong ka-relasyon tua sa lugar nga diin daghan ug temtasyon.

Haay! mao bitaw nga ming-resayn ko sa akong work aron lang jud nga magkauban mi kay aron di na ko magkabuang ug paghuna-huna kung asa ug unsa na pud ang iyang ginabuhat.

Sobrang Love lage, sobrang expectations... Sobrang pag-alaga mao nga wa na niya nagustuhan ang akung nabuhat kaniya. Wa man diay ko kabantay nga sobra na pud diay ang akong pag-atiman kaniya aron lang jud nga di naku siya mapasakitan.

Pero ang resulta? Balik gihapon ko dire sa davao ug nagpuyong nag-inusara. Aww, mas maayo pa man siguro nga single sa ko aron maka-huna huna ko ug maayo kung unsa jud ang angayng buhaton naku kung muabot na ang time nga panaun na pud ko ni cupido.