Daily Routine

Nakaagi na ba ka niini? Nga kung mag-inusara gani ka daghang mga ideas nga mugawas sa imuhang utok. Daghan kang mahuna-hunaan.

Mao ni ang always jud nga mahitabo sa akua, kay lagi^ loner man ko, hilig man naku ang mag-inusara, daghan jung mga kaagi nga mabalik sa akuang utok unya daghang pung mga pangandoy nga manggawas.

Usahay gani maalaan naku ang akuang kaugalingon nga buang kay mukalit lang man ko ug istorya. Duna puy panahon nga mukalit lang pud ko ug katawa. Duna sab mga adlaw nga mukalit lang pud ko ug hilak. Nah, ambot na lang.

Karun akua nang nasabtan nga makabuang jud diay ning Loner ra pud ta hehehe kay ingun ani man ang mahitabo. Mag-istorya sa kaugalingon unya kalit katawa unya hilak.

Pero ganahan baya pud ko nga mag-inusara becoz daghan kung mga mamahimong plano para sa akuang sarili. Mga plano nga usahay makita naku nga makatabang ug usahay sab makadaut. Pero siyempre, kinsa ba diay gusto nga tumanon ang mga planong maoy makadaut sa atuang kaugalingon, diba wala man?

Usahay, pag mingaw gani ang cellphone kay way magtext aww aku na lang pud ang magpindut-pindut unya mangita ug kinsa ang pwedeng istorbohon. Makalagot lang pud ning uban kay kung i-text gani naku kay nagpapansin ko, ang i-reply ra pud kay "Hello pud". Mao nga dili na lang pud ko ganahan nga mureply sa iyahang Hello lang...

Pag naa na gani ko sa sulod sa kwarto, kuli na jud kaayo ko nga mugawas ana. Naa ra ko sa sulod, gatan-aw ug TV ug kung manakit na gani ang akuang mga mata, sounds na pud. Alanganin man pud gud kung magdagan dagan ko sulod sa akuang kwarto nga haskang pis-uta man pud kaayo. Unya kung mapul-an ko ug hinigda, kuha dayun ko sa akuang mga labhunon unya dayung kusu^-kusu^. Ingun ani jud ang akuang daily routine.

Usahay musulod sa akuang utok nga mugawas unya mag malling. Pero kay kini laging akuang batasan nga kung wa koy laing paliton aw magpundo na lang ko sa balay. Anha na lang ko mulaag sa mall kung duna jud koy palitun. Pero kanang igu ra maglatagaw ug maglakaw lakaw sa mall, nah di jud naku na batasan. Mas maayo pang magpuyo...

Ingun ani jud siguro ning tapulan noh? hehehe muangkon man ko nga tapulan ko pero kay kini laging nag-inusara ra mao nga magkugi jud. Kinsa ba guy mutabang naku kundi ang akuang kaugalingon lang. Mao nga I keep myself busy na lang sa work. Ang work ra man pud naku ang nagahatag kanaku ug kalipay. And I think it is better to be this way than going out every night para magwaldas-waldas ug kwartang gipaningkamutan ug pangita.