A circle of LIFE...

Yehah!! Hapit na jud naku mahuman ang pagtan-aw naku sa CSI.. Naa na ko sa Season 6 episode 13...

Mao na..! Mao ni..! Mao ni ang nakabuang naku.. Ang magtan-aw ug CSI... Season 7 na pud ang akuang paabuton..

Anyway, mao ni ang akuang ginabuhat matag-adlaw... Ang mag-atubang sa Tv unya tan-aw sa akuang mga paboritong salida.. Panagsa na man lang sab ko mulili ug tv kay gikapoy na ko ug paminaw sa mga balita.. Actually, sa internet na lang ko nagakuha ug mga latest updates...

Kagabie, nanawag pa jud ang akuang migu nga nagtrabaho sa Manila Peninsula... Nangutana kung asa daw ang nindut nga laagan dire sa Davao... Siyempre daghan jud kong gipang-hisgut kaniya... Mao na siya si Arnel, usa ka chef sa Manila Peninsula... Uban sab si Luis nga tua na nag-work sa Peninsula HOllywood California... Niabot man gud si Luis arun magbakasyon... Unya kay gusto man daw nilang musuway ug laag ngari sa Davao mao nga nag-inquire sila...

Gikapoy ko ug panglaba gahapon oi... Dugay na nakung gisud-ong ning akuang mga nilabhan... Maayo na lang gani kay murag ning-gana ang akuang lawas ug ningbangon arun kusu-kusuon ning akung mga hugaw nga mga brief's ug medyas... Dugay-dugay na man sab pud kong wa naga-laba tungod kay pag-abot naku sa balay magsige na man lang ko ug higda unya tan-aw dayun ug salida. Mao bitaw nga ang akuang lawas ningburot...

Today, wa koy laing buhaton kundi ang padayunon ang pagpangita ug eskwelahan para sa akuang pag-umangkon nga gipa-eskwela... Hayskul na jud intawon ni... Mao nga gusto naku nga i-enroll siya sa usa ka pribadong eskwelahan... Di ko gusto nga sa pablik ra siya kay ako gagikan pud sa pablik school... Awww.. wa man hinuon naku gitamay ning mga taga Pablik Skuls pero gusto naku nga matilawan pud sa akuang mga pag-umangkon kung unsa ang feeling nga nag-eskwela sa mga private skuls...

Grabe jud ka-ekspensive ang mga private schools karun noh? ilabi na ning mga eskwelahan nga gigunitan sa mga simbahan, mga pari ug mga madre bah!... Sus, grabeeee kamahal sa ilahang tuition fees... Pero sulit man pud hinuon kay nindut man sab ang training...

Karun, manawag na pud ko ani arun mangita ug mas nindut pa nga eskwelahan.. Hinaut unta nga makakita na ko ug school arun makapa-enroll na ning akuang pag-umangkon samtang wa pa pud ni nahurot ang akuang tinigum...

Unya pud diay gabie, laag na pud ko sa Rizal Promenade para mag-host sa Star of Davao Year 5... Naa na sa semi-final round... Last week didto mi sa Damosa Gateway... Actually, every Friday ang semi-final round nga ginabuhat namu sa bisan asang area dire sa Davao. Ang star of davao iya kini sa NCCC Supermarket ug NCCC Mall...