ULAN INIT, SANGKO SA LANGIT...

Kaganiha after my program nga Iring iring mga ala-una baynte singko sa hapon gihabwa na jud naku tanan nakung mga gamit arun mubalhin ug pinuy-anan... Nakakita ko ug place sa may kanto sa Rivera Village sa Bajada... Nindut siya nga place mao nga gikuha dayun naku...

Anyway, akua lang pasalamatan sila jenjen 1 and jenjen 3 nga maoy nitabang naku... Lakip na sab ang akuang drayber nga si inday sinaw... Gamit ang amuang kinakusgang Love Radio Patrol...

Anyway, after namu mayagyag ang tanan nakung mga gamit sa akuang kwarto namalik mi ug istasyon...

Swerte siguro nga imung matawag kay tungod igu lang jud mi gipasakay unya kalit dayun nga mingbunok ang makusog nga ulan... INgun nila, swerte daw ning ulan... Mao nga tuo lang sab ko...

Sa sulod sa jip, nagkatawa ko atung atbang naku nga pasahero... Ambot kung unsay iyahang gibati.. Di lang jud ko mu-judge niya kay ingun raba nila nga "dont judge the book by it's kober"...

Pero, siyempre samtang gabiyahe mi ug nagabunok ang makusog nga ulan, di jud pwede nga dili naku siya tan-awon... She's around 30 or something... Kami kami rang edara... Naka-uniporma ug daw uniporme sa maestra... Sa akuang huna-huna, nagkagubot jud kay tungod klase-klaseng ideas ang nahasulod sa akuang alimpatakan...

Kay tungod sige man siya ug lihuk kanang di jud mapakali bah, naa sa akuang huna-huna nga basin ug kalibangun or kautoton to siya... Sa facial expression pud niya mao jud lagi... Nah, di raba jud pwede nga mangutot sulod sa sakyanan kay di makagawas ang baho.. Sarado gud ang telon sa jip kay basin unya ug mangabasa^ mi sa sulod... Hehehe... Akong na-imajin lang hinuon nga kung makautot ni siya, sabay siguro ang mga pasahero sa pagtabon sa ilong... Unsaun na lang kung bahu jud kaayo? Hala ka oi...

Pero, ang labaw nga makauulaw kay katung babaye kung ugaling makautot or makalibang jud siya...

Akua man hinuon pud ni nga nabati kaniadto... Kalibanga lagi unya kay ang akuang lubot arte kaayo, dili pwedeng malibang sa laing iniduro... Mao nga kinahanglang muuli jud ko... Pero in situations like this, di jud ko mag-jip kay nah, magsige lang ug hunong kay mangita pa gud na ug pasahero... Mao nga taxi jud ko pirme...

Pagnaug naku sa jip pag-abut naku dire sa agdao, naglupat ang akuang utok samtang gatabuk sa dalan... Dagan-dagan kay ulan pa lagi... Pero ang naa sa akuang huna-huna kay ang katung pasahero nga akuang kaatbang... Taga-asa pud kaha to siya? UNya, maantus pa kaha to niya? What if layo pa iyang place? Hala ka oi kaluoy pud noh?

Ikaw? Nakaagi na ba ka aning sitwasyuna? Hehehe... Share pud oi...