Pagkaluoran ba gud nimu?

Wa juy mahimong maayo ning pagkaluoran sa usa ka tawo... Nothing will ever happen kung puro pagtatampo lang ang imuhang unahon...

Mao ni ang atuang hisgutan karon... Ngano man jud ang tawo dali ra kaayo mangluod? Ambot kung ikaw ba luoran? Is it true nga kung kaliwat daw nimu luoran, mao pud ang imuhang mamahimong kinaiya?

Akung papa ug kaliwat niya puros jud mga luoran... Ngano man? Pwera hisgut lang sa akuang amahan ug sa iyahang mga kaliwat nga tua na sa laing kalibutan, hilig jud ni nila ang mangluod... Mao siguro ning kinaiya sa mga bul-anon... Hehehe...

Akong papa, mahilig jud to manginvayt ug mga tawo ilabi na kung makakwarta kini... Paadtuon na niya sa balay unya didto magtapok... Pakan-un na niya unya ug kinsa man galing tong iyahang gi-imbeta nga di mutunga, hala mangluod dayun na siya unya di na niya tagdun nang tawhana...

Usa pa, duha lang na sila ka managsuon, puro lalake... Nag-away, nagluoray mao nga ang amuang pamilya nagkagubot... Kami lang man unta ang Barazona sa Pikit pero nah, mag-ilhanay ba diay... Kinamaguwangan si Papang ug manghud niya si Angkol Nardo pero dugay nahuman ang ilahang panagtigi... Nangluod lang si Papang kay pinalabi daw kuno lagi si Angkol Nardo... Mao nga wa jud ni silay tagdanay... Maayo na lamang gani kay nagkauliay sila ug buot tungod lang pud aning mga family reunions... Si papang mahilig na magpalider-lider, maayo pud hinuon siyang lider sa iyahang mga kaliwat... Mao nga gina-respeto jud na siya... Pero ang problema lang jud niya kay LUORAN lang jud kaayo... Sa tagawug pa, MATAMPUHIN... hehehe

Amung mga kaliwat (side sa akuang papa) mao say taras... Pag muuli ko ug Pikit hala kinahanglan jud mugawas ko sa balay kay kung naa ra ko sa sulod ingnun dayun ko nga GARBUSO ra kaayo sukad nga nakapuyo ug Davao... Ngek, maoy gi-atay!!... Mao nga hala paningkamot jud ko nga abi-abihun ang tanan... Dah, mura lagi ug artista! Mura pud ug pulitiko kay kung mangayo mapugos jud ko ug hatag bisag wa na koy pamasahe pauli dire sa Davao.. Unsyalan man kay kung di nimu hatagan, dauton ka unya mao lagi, ingnun kang hambugero o garbuso... Giatay ba ning kaliwata oi...

Mura pud lagi ug bata, kay kung dunay mamatay sa kaliwat, na, makit-an ba nimu na sila? Di jud, kay nangluod lagi... Matay ning batasana oi...

Angkunon sab naku, basin ako natakdan pud ko aning ingun ani nga taras pero as time goes by akuang na-realized nga it will do no good for me (duh, ingles to ba?)... Kinsa may mawad-an ug paryente diba ang mga taong luoran lang man sab? Kinsa may maalaut? Diba ang mga luoran lang man? Sa trabaho kung luoran ka, awww, ikaw ray sulug-sulugon...

Mao nga di sab maayo nga pasobrahan ang pagkaluoran oi... CHANGE for the BETTER!