Usu-usu nga mga jeep...

Haskang ngiga gyud tong nakita naku sa tv nga nabanggaan sa usa ka usu-usu nga jip.. Dili intawon ma-drawing ang dagway sa mga biktima nga mag-amahan... Tsk Tsk Tsk!

Ingun ana na kasayun ang kinabuhi sa tawo karun... Kung makapatay man galing, igu na lang sa pag-ingun ug sorry. Hangtud diha na lamang kay dautan man sab kong mubalos ka.

Ambot ning utok sa mga tawo karon oi... Sobra kahilig sa mga challenges in life. Ingun ani siguro ang naa sa utok aning mga drayber ug usu-usu nga mga jip..

Nakasakay na ko ug mga ingun aning klase nga jip sa dihang estudyante pa ko.. Hapit na maleyt mao nga no choice sakay na lang jud ug usu-usu. Grabe jud kapaspas ang dagan ani nila. Mu-overtake nga daw dili mahadlok. Ikaw nga pasahero igu na lang sa paggunit ug tarong kay wa ra bay seatbelt ning mga jip. Pero magtan-aw ko sa ubang mga pasahero ilabi na ning mga batan-un, daw su waay lang gid. Murag naanad na siguro ug sinakay aning mga usu-usu... Reason man gud sa uban kung nganong musakay sila ani, kay tungod nagdali sila. Aww, this is the fastest means of transportation jud hinuon dire sa siyudad. Pero there is a solution man arun dili ka ma-leyt. Why don't you wake up early para dili jud ka ma-leyt? Its as easy as that. Wa na bay bili sa imuha ang imuhang kinabuhi? Unya ug madisgrasya, kinsay magbaguod ug bayad sa imung lubnganan diba ang mga taong nahabilin? Maayo unta kong naay mga insurance ning mga sakyanana ni...

Matingala na man lang sab ko aning mga traffic enforcers dire sa siyudad sa davao kay murag wa may gibuhat mahitungod ani nila. Kadaghan ani nila nga nagkatag dire sa dakbayan?

Anyway, choice man na sa mga pasahero kung asa sila musakay pero hinaut nga huna-hunaun sab sa mga drayber nga importanteng makaabot sa ilahang padulngan ning ilang mga pasahero nga way dautang mahitabo. Dili man dautan unta ning mga usu-usu panginabuhi sab gud na pero "BE CAREFUL sab oi". Hinaut nga sa inyuhang pag-drive way laing madisgrasya.. Dili ikaw ug dili sab ang ubang tawo. BE SAFE kumbaga sa pag-drive.

Given na man jud nga tapulan ning atuang mga traffic enforcers hinaut nga kita na lang unta maghuna-huna alang sa safety sa atuang kinabuhi.
Let's value our life...