Unsa ba jud ning SURVEY para sa TV ug Radio Stations?

Sa mga way ideya kung nganong gilalisan man jud sa ABS-CBN ug GMA 7 ning resulta sa mga surveys ug nganong nag-away man jud ni sila? Well, duna koy gamay nga eksplanasyon mahitungod niini... Dili ko eksperto apan mao ni ang akuang pagsabot isip usa usab ka miyembro sa medya...

In the broadcast industry, importante jud ang mga surveys aron maoy mamahimong basehan sa pagkuha ug mga kliyente... Like us here sa Love Radio, we never worry kung asa mi mangita ug clients because most of the time ang mga kliyente na ang muduol ug manawag sa station arun mangayo ug quotations or mga package rates sa station... Kini tungod kay nabantog na sab nga number 1 ang Love Radio sa mga niaging surveys... Siguro, naanad na pud ang mga clients nga ubay ubay jud ang naminaw sa Love Radio... (dili ni panghambog ha?) We have the black and white results sa mga niaging surveys like AC Nielsen ug KBP RRC Surveys in the past.

Sa mga resulta sab sa survey mahibaluan sa usa ka kumpanya kung tagpila ba gayud ang baligya matag segundo sa usa ka commercial... Kung kulelat ang usa ka istasyon, da, baratuhon lang pud ang ilahang mga rates... Importante ra ba jud ning mga commercials sa tanan, apil na ang print media kay mao man kini ang nagabuhi sa kumpanya... Ang mga kita sa mga commercials mao say panggasto sa mga palalitun ug bayranan sa usa ka radio ug tv stations... Mao nga kung way commercial ang usa ka station, dili jud na magdugay sa sirkulasyon...

What happened to ABS-CBN and GMA was that, pareho silang gustong mu-number 1 tungod gusto nila nga makuha most of the clients... Sayunan kag usa ka 30-seconder nga komersyal muabot kini ug pipila ka milyones matag bulan? Ingun ana kadaku ang mamahimong kita kung naa kay ikapanghambog nga resulta sa mga surveys...

Ang AGB Nielsen ang maoy gisugo sa tanang mga TV ug Radio Stations sa tibuok nasud Pilipinas aron maoy muhimo niiining mga surveys... Dapat ang AGB Nielsen unta way gidapigan... Wa lang ko masayud kung unsa ba jud ang nahitabo between the companies involved mao nga keep quiet lang sa ko mahitungod sa ilahang kaso...

Kung duna may mga underground transactions ang matag tv ug radio station company, hinaut nga maundang na kini kay unfair man gud ang dagan sa kompetisyon... Luoy sab ang mga advertisers because murag napugos lang sila pagbutang ug commercial spot sa usa ka istasyon nga peke ra diay ang resulta... Sayang sab ang ilahang milyones nga budget unya way nabalik para sa ilaha... Advertisers put their commercials in a certain radio or tv stations nga kusog aron daghang tawo ang makabalu sa ilahang produkto nga gipa-advertise... Unya kung nahimo lang number 1 ang usa ka istasyon tungod sa pagpangilad, where in fact wa man jud untay naminaw or nanan-aw ani, sayang jud ang kwarta sa advertisers...

All we are hoping nga ang kamatuoran lang jud ang mugawas arun FAIR ang laban...