Bag-ung Tuig na sab...

Yehey! hapit na sab ang bag-ung tuig. Buto-buto na sab ang kalibutan. Apan dire sa Davao, wa juy masig usa ka buto kang madunggan tungod kay dugay na kining gibawal sa lokal nga panggamhanan. Ayu kag madukdukan ang imuhang mga kamot kung masakpan kang Mayor Duterte nga nagpabuto.

Kadtu bitawng Pasko wa man juy buto nga nadungog dire sa Davao. Maayo ra pud oi kay maglain jud ang akuang tiyan kung makakita ko ining mga nabuthan. Ngil-ad ra ba kaayo tan-awon. Naa diha tong mga tudlo nga gabitay, nyay!

Duna pa bitawy laing pamaagi sa pagsugat sa bag-ung tuig. Magturotot na lang gud oie. Or ipaguyod nang imuhang kalaha, kaldero ug mga gamit sa kusina sa mga sakyanan arun maoy magsaba-saba sa kadalanan.

Hinaut nga sa bag-ung tuig, padayon na ang paglambo sa kinabuhi sa matag usa kanatu. Dili lang unta ta magtinapulan ug magsalig sa ubang tawo, apan dapat mulihok kita aron muasenso tang tanan. Di na lang unta ta magbinasulay, maningkamot na lang gud unta ta ug taman. Muabot ra ang panahon oie nga kita na pud ang madatu ug sila na pud ang mapobre.. Hehehe!

God Bless us all! and Happy New YEar!