UNSA BA JUD ANG NAA SA PIKIT?

Sa akung unang pagtunob dire sa siyudad sa davao tuig 1992, (toinks! bata pa ko atu oi), na-ameyzd jud ko sa kanindot sa siyudad... Daghang suga, daghang sakyanan, unya masig gabie naa lang gihapoy mga tawo naglakaw-lakaw sa kadalanan ug ang mga sakyanan way undang sa pagbiyahe... I remember, ang taxi niadto kanang ginatawag pa ug "PU", gamay kaayo na siya nga kotse... Awww, ingun nila angay daw to sa mga "promo" (promogbu).. Giahak pud oi...

Anyway, everytime nga mag-visit mi dire sa Davao, naa jud mi tuyo ug kini ang pag-adtu sa GSIS diha sa Matina, kay titser lagi akong mama sa Pikit, mao nga everytime mag-loan siya sa GSIS, hala uban jud ko dayun ana... Sauna, tong mga pag-anhi namu sa Davao, wa jud mi kapuy-an mao nga kung mubiyahe mi from Pikit, kinahanglan Pers trip jud aron makauli pagkahapon... Maayo na lang kay sa amung pagbalik balik ngari sa Davao, naa mi naila-ila nga amo pud diay nga relatives... Mga Sahid-sahid Clan nga gikan pa jud intawon sa Bohol nga nia na pud nipuyo sa Davao... Paryente namu na sila sayd sa akuang fader dear nga usa pud ka boholano... Tenk u kaayo sa ilaha Ante Juaning Deligero and Family ug siyempre sila Ankol Timoy ug iyang gwapa nga asawa nga si Ante Bing, nga donya naa diha sa Mall karon nag-work... Sila ang amo intawong samuk-samukon kung nia mi dire manganhi...

Tanan mi nga managsuon nia nangeskwela dire sa Davao... Ang uban, apil ko wa jud ka-gradweyt kay wa poi sapi oi... Hangtud nga karon nangaminyo na sila ug ako nagpabiling singul lang gihapon... Sila nakabalay na dire ako, awww maayo na lang kay dunay ning-adopt naku ug gipapuyo ko nga libre atubangan lang sa akuang gitrabahuan... Sukad pa man sab kaniadto, wa na man ko nagsalig sa akung parents when it comes to my financial needs kay naa na man sab ko pangitaan...

Pila na pud ko katuig nga nia na nagpuyo sa Davao.. And so people are asking me kung unsa ba jud ang naa sa Pikit? Aww, sayon lang man na pagtubag... Ingun naku, "aww, maayo man ug ang Pikit naa sa Planet Mars nga magpula, siyempre parehas lang gud gihapon sa ubang lungsod." Mao nay pinatubag naku nga pinilosopo...

Bitaw, since the taym nga nag-work ko sa radio, wa jud na naku gilimod ang akung pagka-Pikiteño... Ngano man diay ug ang amuang lugar masikat lang kung dunay giyera? So what? Eheheh...

Grabe jud hinuon ang giyera sa akuang yutang natawhan... Sukad pa kaniadto, gubot na jud nang lugara... Namat-an naku sauna nga ang amung mayor si Mayor Ramon Ong pa, usa ka kristiyano hangtud nga napildi siya ug karon puros na Muslim ang nag-okupar sa munisipyo.. Hinuon, wa may reklamo ang mga taga-pikit sa ilang pagdumala kay nakaya man sab nila ug paghiusa ang mga kristiyano ug Muslim...

Ang Pikit man gud, klase klaseng tribo ang namuyo diha... Sa town proper jud (sosyal!), diha namuyo ang mga pipila ka mga Kristiyano... Ug ang mga tua sa mga baryo kadaghanan mga Muslim na sab... Dunay baryo nga gi-okupar kadaghanan sa mga kristiyano sama sa Silik, diin ang akuang mga kaliwat diha namuyo... Duna sab baryo nga hari-hari jud ang mga Muslim... Matud pa gani sa mga taga-Pikit sauna, ang mga muslim daw free lang manulod sa area sa mga kristiyano pero ang mga kristiyano, suway ug sulod sa ilahang balwarte diba dila mo lang ang walang latay.. (haaay! kahadlok ba)...

Remember naku sauna, tong bata pa jud ko nga magtulo pa ang akuang sip-un (toinks!), magtapok unya magsabot dayun mi sa akuang mga paryente nga mangadtu mi ug Silik... Mamutong mi didto unya mamingwit.. Weeee, enjoy kaayo... Grabe pud ang akuang mga paryente sa Pikit, usa ka baryuhan gud na sila... Mao nga magpanun mi kung dunay fiesta, aaay luoy lang ang gi-piyestahan kay lima ka six bay six jud na ang amung paryente (awwww, mga batan-un pa lang na ha? wa pay labot ang mga katiguwangan)... Didto sa Silik, dunay mga dagkung yuta ang akung lola, ug ang uban pa jud nakung Lola, mao nga way problema kung gutmon ka kay kuha lang ug munggos ug mais, tuweweng.. busog na jud ka!... Unya kung bisita jud, ihawan pa ka ug manok... Ana kanindot sa Silik oi... Mao nga miss na naku to nga taym... Awww, aminado man jud ko nga di jud ko laagan sa Pikit... Hangtud silik ra jud intawon ko ug inug-ug... hehehe...

Akung mga klasmeyt, grabe kay abot pa jud sila ug Gli-gli kay mangaligo ambot unsay ngalan tong ilang ginaliguan oi... Naa ko klasmeyt sa Hayskul, adtu ug pagalungan kay maglangoy-langoy daw didto... Mutambling pa jud to gikan sa taas nga tulay hangtud tugdon didto sa tubig... Ahak ba oi...! Ahahah..!!

Miss na jud naku ang Pikit oi.. Pero, angkunon naku nga usahay mawad-an ko ug gana ug uli kay duna koy uban nga mga paryente nga kusog kaayo mangayo ug beer.. Unya kung di hatagan, mangluod dayun... (aww, kaliwat daw na namu)... Okey lang unta to ug nadatu ko sa akung pagpaningkamot dire sa davao kay okey lang... Pero, unsaon ta man nga uyamot lang man gihapon ko dire... hehehe...

Bitaw, if you have time... Visit pud mo sa Pikit oi... 4 hours lang man ang biyahe ana gikan dire sa Davao City sakay ug Weena Bus aron paspas ang dagan... Nindot na daw didto... Although, daghan nang mga taga-pikit karon ang wa na ko kaila kay puros Muslim na... hehehe... Kadaghanan man gud sa mga orihinal nga kristiyano nga namuyo didto sauna, nangamatay na (TOinks!) unya ang mga anak tua na sa laing nasud... Abroad na sila beybi... Mga adunahan man na sila didto sa Pikit...

I'll wait kung unsa ang next move sa mga taga-pikit ilabi na karong umalabot nga Immaculate Concepcion Fiesta (Dec. 8)... Adtu unya mo ha? Tan-awon lang naku kung makauli ko... Last piyesta sa Colono, nindot daw ang ilang gibuhat... Aww, hinaut mas nindot pud karon...

Remember naku sauna, kung piyesta sa Pikit, ang mga tawo, gabahis-bahis kay mangita ug kapiyestahan.. Unya dunay mga kalingawan sa Plaza ug sa Central (ang amung elementary school)... Duna pa toy lumba sa motorsiklo, nga kuyaw kaayo magpadagan... Unya, dunay away sa kabayo...

Unya duna pa jud toy parasyut (kanang helicopter ba unya dunay mangambak gikan sa langit)... hehehe...Ang uban didto mutugdon sa Kalsada, di sa tunga sa Central.. Toinks!

Daghan to kalingawan sauna oi... Sa plaza, dunay singing kontes nga apil pud akong maguwang nga si Girlie.... Daghan gud ug mga nindot ug tingog sa Pikit ay... Sayang kay wa lang jud naabtan ning mga Pinoy Dream Academy, Pilipin Aydol ug kanang mga pakontes sa TV... Na, kung naabot pa na sa Pikit, duna na untay mga taga-pikit nga mga artista... hehehe

Awww... mga kaagi jud sa Pikit oi...