Credit is good

Grabeng ulbo sa akuang kaspa kaganihang buntag... Una, dunay nagpabuhat sa akua ug production... Sabot namu? "sige, bayaran tika rocks ugma paghuman nimu ug buhat ani. Makakwarta pud lage ka ani kay pangwarta gud ni..." O, by the way, and ilang production nga gipabuhat, plug sa ilahang program sa usa ka AM station dire sa Davao. Kuno, maayo sila manghilot. Asus, nakurat na lamang ko sa balita nga kining tawhana nga perte ka mangingilad, nakabuntis pud diay sa usa sa nagpahilot kaniya. Ang siste, bata pa kuno kining bayhana.. Ug kining tawhana? Sus, mura lag gitas-un ni PGMA... Haska ka-putot apan sobra sab ka manyakis. Pila na intawon ka adlaw ang ninglabay, apan wa gihapoy gitunol sa akua isip bayad sa ilang gipabuhat kanaku. Mga bagag dagway, padayon pa jud nilang gipatukar ang production nga akung gibuhat! Angay una silang magbayad bag-u nila gamitun ang akuang tingog sa kahanginan... Sa aku nang gisulti, di na uso ang libre karon... Parehas lang ta nanginabuhi...! Mga mangingilad mong dagku!!!

Ikaduha, naa pay iladong mangutangay nga kusog kaayo mamago. Sus, daku man unta ug sweldo, naa pay laing ginadawat apan ug nganong wa may kwarta "kuno" nga iyang makuot sa panahong iya na kining kinahanglanun? Inom gani, hala, abtik kaayo mupagawas ug kwarta, apilon pa ko, mangutang kuno unya lang kuno bayaran, pero pag-andu, sus, mabayaran ba diay ka... Ug imo nang singlun, wa kuno siyay utang... Sus, kalami jud tisuron sama sa usa ka lusa' ning tawhana. Aww, gaba ray muabot sa imong kinabuhi oi... Tan-awon pa natu ug naa pa bay magpautang sa mga ingun aning klaseng tawo.

Nganu man jud ang tawo, kung pag-abot sa pagpangutang, mura ug pobre na jud kaayo kay grabeng pakiluoy, pero pag-abot sa binayranay, abtik pas ilaga manago...

Pagbag-u na mo oi!!!